Amat-amat na nga nagbalik ang operasyon sang Valladolid District Hospital matapos nga ginlockdown sa sulod sang tatlo ka adlaw tuga sang pagpositibo sang apat ka staff.
Nagshutdown ang ospital sumugod sang Lunes tubtob sang Huwebes samtang amat-amat na nga nagbukas kahapon agud nga makaserbisyo sa mga pumuluyo sa 4th District.
Ginatinguhaan naman nga mapadasig ang paggwa sang resulta agud nga makabalik na sa trabaho ang mga maganegatibo.
Liwat na nga nagbukas ang mga emergency rooms, operating room kag mga laboratoryo kag X-Ray.
Ang mga nurses naman ang mas naapektuhan bangod apat ka adlaw nga nagtinir sa ospital ang mga nagpositibo nga nagdangat sa apat ka shift ang apektado.
Ginapangabay naman nga indi na madugangan ang na tapikan sang balatian kag makabalik na sa full force sa masunod nga semana.
Mas preparado naman ang probinsya sa natalana nga mass testing sa mga ciudad kag banwa nga sakop sini kag nakahanda na ang CIF nga pagagamitun ukon ang listahan sang pagakuhaan sang RT-PCR test.
