Aminado ang General Alliance of Workers Association ukon GAWA nga dako nga bulig ang hagna nga maga-exempt sang mahal nga mga bulong sa sa Value Added Tax.
Sang damlag lang, ginpirmahan na ni Presidente Rodrigo Duterte ang Republic Act 11467 nga maga-exempt sa bulong sa cancer, tuberculosis, kidney issues kag mental illness sa value added tax sa tuig 2023.
Ang amo nga layi ang magapatong man sang mas mataas nga buwis sa liquor kag e-cigarettes ukon vapes kag iga-exempt sini sa VAT ang mga bulong para sa diabetes, high cholesterol kag hypertension.
Sa interview sang Bombo Radyo Bacolod kay GAWA secretary-general Winnie Sancho, ginpahayag sini nga maayo ang layi bangud makabulig ini sa mga Pilipino ilabi na sa mga tawo nga naga-maintenance sang bulong.
Suno kay Sancho, mabakal pa sang iban nga kinahanglanon ang ginpain sa pagbakal sang bulong kun wala sang dugang nga VAT diri.
Aminado ang GAWA secretary-general nga labi nga makabenepisyo sa layi ang mga senior citizens nga kun kaisa, kulang pa sa bulong ang ila pension.
