Ginalauman sang isa ka Masskara vendor sa Bacolod Public Plaza ang pagsanyog sang ila baligya-anay sa opening sang nagahilapit nga Masskara Festival 2023.
Sa interview sang Bombo Radyo kay J-jay Dela Cruz, an ila ginabligya nga mga dalagko nga masskara nagapresyo sang P280 kun sa diin mas mataas ang presyo sini kumpara sang tinalikdan nga tuig nga nagapresyo lang sadto sang P250.
May yara man sang magagmay nga mag masskara nga nagabalor sang P120 gikan sa P95 sang nakaligad.
Suno diri, ang pagsaka sang presyo sang ila baligya ang bangod sa pagmahal man sang presyo sang mga materyales nga gingamit.
Sa karun indi pa man gid maayo ang ila baligya-anay kun sa diin, apat tubtob sa lima lang ang ila customer sa sulod sang isa ka adlaw kag kahapon, P500 ang ila naginansya.
Ginalauman ni Dela Cruz nga sa pagbukas sang Masskara Festival 2023, mangin masanyog ang ila negosyo.
