Vendors nga biktima sang sunog sa ciudad sang Bago, temporaryo nag-untat sa pagbaligya

Temporaryo nga nag-untat sa pagbaligya ang mga vendors nga biktima sang sunog nga nagluntad sa Barangay Don Jorge Araneta, Bago City, sang Biyernes sang gab-i.

Pito tanan ang totally damaged kag duha ang partially damaged samtang ginalantaw nga magadangat sa P1 million ang kahalitan sang sunog.

Sa interview sang Bombo Radyo kay Ingrid Espinosa, utod sang stall owner nga si Myrflortess Apurado, wala sang kuryente sa area nga ginluntaran sang sunog amo nga tuman ka dulom sa gab-i.

Suno diri, temporaryo nga nag-untat anay sa pagbaligya ang mga vendors nga nasunogan, apang nakabaton naman sila sang bugas kag canned goods kag nagbaton man sang P10,000 financial assistance naggikan sa ciudad.