Nagrequest na si Bacolod City Administrator Dr. Lucille Gelvolea sa mga vendors sa Bacolod Night Market sa dalan Araneta kag tatlo ka mayor nga mekado sa Bacolod City nga himuson ang mga basura sa ila pwesto antes biyaan agud indi matam-an ang mga street sweepers.
Sa interview sang Bombo Radyo Bacolod kay Bacolod City Administrator Dr. Lucille Gelvolea, magluwas sa Bacolod Night Market, gindalahig na lamang nila ang Bacolod Central Market, Burgos Public Market kag Libertad Public Market.
Ini matapos na talupangdan nga tuman ka damo sang mga sagpon nga ginabiyaan lamang sa dalan kag ang mga street sweepers amo ang nagaka-ayawan.
Ang night market ang nagabukas alas-6:30 ang gab-i tubtob na mag-alas 10:00.
Apang natalupangdan nga tuman ka damo sang mga basura nga nagakabilin sa paglayas sang mga manugbaligya.
Kalakip diri ang mga plastic bags nga indi maayo sa mata sang tawo ang nagalapta nga mga basura.
May timeline naman nga ginhatag para sa paghaboy sang basura, agud matiming sa paghakot sang garbage collector bangod sa masami kun madugayan ang mga basura ini ang ginalapta sang mga kasapatan.
