Nakatalana nga magaatubang sa Manhattan federal court subong nga Lunes ang Presidente sang Venezuela nga si Nicolás Maduro.
Ini ang ginkumpirmar sang isa ka opisyal sang U.S. Department of Justice.
Si Maduro ang magapangatubang sang nagkalain-lain nga kaso sa Estados Unidos, lakip na ang pakipag-angot may kaangtanan sa narco-terrorism.
Magaatubang man sang mga kaso ang iya asawa may kaangtanan sa pagsulod sang cocaine sa Estados Unidos.
Antes sini, lauman nga magapabilin anay si Maduro sa Metropolitan Detention Center sa Brooklyn.
Nag-abot ang eroplano nga gin-sakyan ni Maduro kag sang iya asawa sa Stewart International Airport, 97 kilometro sa northwest New York City.
Pag-abot sini, makita man ang pila ka mga tinawo sang Estados Unidos nga nakasuksok sang may marka nga FBI kag iban pa nga ahensya nga nagsaka sa eroplano.
Samtang, nagapabilin nga indi pa klaro kun paano ang ginaplano ni US Pres. Donald Trump ang ginpahayag nga temporaryo nga pagdumala sa Venezuela.
Sa karon, wala sang direkta nga kontrol ang pwersa sang Estados Unidos sa amo nga pungsod, kag padayon sa gihapon ang pagdumala sang gobyerno ni Maduro nga daw wala sang plano nga makigkooperar sa Washington.
Wala pa sang opisyal nga pahayag ang gobyerno sang Venezuela may kaangtanan sa pag-aresto sa ila Presidente nga si Nicolas Maduro.
