Nagapatigayon sang maintenance kag repairs sa ventilation kag water system sang mga merkado sa ciudad sang Bacolod.
Sa interview sang Bombo Radyo Bacolod kay City Administrator Atty Mark Mayo, isa sa una nila natalupangdan amo ang problema sa ventilation sa Burgos Public Market, kun sa diin madulom kag halos wala nagasulod ang hangin.
Gani ini ang gilayon nga gin-address kag gin-islan sang low-verse type nga bintana.
Kasubong man ang issue sa water system, kun sa diin bangod sa tuktok sa mga water pipes kag water tank, halos indi makalab-ot ang tubig sa mga comfort rooms.
Ginpakay-o man sang mga ini ang busluton na nga mga gutters ukon tarog.
Ginalantaw ni Mayo nga kasubong nga mga issues man ang ginapangatubang sang Libertad Public Market kag Bacolod Central Market.
