Nabuta sang mga tumalambong ang Victorias City Coliseum, Victorias City, Negros Occidental sang nagpatigayon sang campaign rally sa probinsya ang mga senatorial candidates sa idalom sang Alyansa para sa Bagong Pilipinas.
Gin-endorso mismo ni President Ferdinand “Bongbong” Marcos Jr ang mga re-electionist nga sanday senators Imee Marcos, Bong Revilla, Pia Cayetano, Lito Lapid kag Francis Tolentino.
Nalakip man sa slate sang presidente sanday Act-CIS Congressman Erwin Tulfo, Makati City Mayor Abby Binay, Congresswoman Camille Villar kag anay DILG head Benhur Abalos.
Nag-upod man sa rally sanday anay Senador Manny Pacquiao, Vicente Sotto III kag Panfilo Lacson.
Suno sa presidente ang mga kandidato nga gin-endorso sini ang may yara sang maayo nga hinimuan kag may napamatud-an na sa serbisyo publiko.
