Veteran OPM singer Lani Misalucha, magapatigayon sang concert kadungan sa iya ika-40 nga anibersaryo sa music industry

Natalana nga iselebrar sang veteran OPM singer nga si Lani Misalucha ang iya ika-40 nga anibersaryo sa music industry paagi sa pagpatigayon sang concert.

Ini ang may title nga “Still, Lani” kag patigayunon sa Agosto 21 sa The Theatre sa Solaire.

Isa sa balantayan sa nasambit nga event ang pag-guest sang folk-pop band nga Ben&Ben.

Ini ang magamarka sa labing una nga tion nga magaupod sa isa ka performance ang singer kag ang banda.

Magluwas sini, ginalauman man nga iga-perform ni Lani ang mix sang iya classic nga kanta kalakip na ang “Bukas Na Lang Kita Mamahalin” kag “Ikaw Lang ang Mamahalin”.

Sa bahin naman sang Ben&Ben, kantahon nila ang ila hits kaangay sang “Sa Susunod Na Habang Buhay” kag “Masyado Pang Maaga”.