Aminado ang seasoned actor kag TV host nga si Vic Sotto nga wala ini maayo nakahatag sang oras sa iya mga kabataan nga dako na kag nagpasalamat sa ila mga iloy sa pagbulig sa pagshape sang ila character.
Suno kay Sotto, nasubuan ini bilang amay nga absent sa pagpadako sa iya mga kabataan, kag dako ang pagpasalamat sini sa mga iloy sang iya bata nga may dako nga role sa pagporma sang attitude kag karakter sang ila bata.
Ang mga bata sini amo sanday Danica kag Oyo kay Dina Bonnevie, Vico kay Connie Reyes kag Paulina kay Angela Luz.
Sa karun, suno kay Sotto ginatinguhaan sini nga maka-upod ang iya mga bata bisan isa ka bes sa isa ka semana kag nagabawi bilang maayo nga provider sa ila.
Si Sotto ang kasado sa karun sa aktres nga si Pauleen Luna humalin sang 2016 kag sa karun may duha na ka bata nga amo sanday Tali, pito ka tuig kag Mochi, isa ka tuig.
