Vice Gov. Ferrer, pabor sa pagpahalin sa mga flower garden sa Panaad Park and Stadium

Pabor ang bise-gobernador sang Negros Occidental sa pagpahalin sa mga flower garden sa Panaad Park and Stadium kun ang ila presensya sa lugar ang disbentaha sa provincial government.

Sa interview sang Bombo Radyo kay Vice Governor Jeffrey Ferrer, wala nagabayad sang bill sa kuryente kag tubig ang mga nagapanag-iya sang flower garden.

May impormasyon man nga nagbutang ang mga ini sang permanente nga structure kag ginhimo nga boarding house.

Suno kay Ferrer, indi nagakaangay nga may yara sang squatters sa propedad sang gobyerno.

Bangud sini, sila ang pahalinon apang iya man gin-athag nga hatagan sila sang bastante nga tion agud nga makapanghimos kag makapangita sang lugar nga sayluhan.