Gin-appoint ni President Ferdinand ‘Bongbong’ Marcos si Negros Occidental Vice Governor Jeffrey Ferrer bilang Personal Adviser for Western Visayas epektibo Miyerkules, Agusto 3.
Si Ferrer ang nagpadulong sa Manila agud nga magtambong sa meeting sa presidente kaupod ni House Speaker Ferdinand Martin Romualdez kag pila ka kongresista kag mga opisyales.
Suno kay Ferrer, luyag kuntani sang presidente nga ibutang ini bilang presidential adviser.
Apang bangud siya ang incumbent nga bise gobernador sang Negros Occidental, indi sini matalikdan ang mandato sang masobra 890,000 ka mga Negrense nga nagboto sa iya sa May 9, 2022 elections.
Bilang personal adviser sang presidente, may direct access na si Ferrer kay Marcos para sa anuman nga butang may kaangtanan sa Western Visayas.
Nagpasalamat naman si Ferrer sa presidente sa iya nga trust and confidence.
