Gin-elect bilang vice president sang League of Vice Governors of the Philippines (LVGP) si Negros Occidental Vice Governor Jeffrey Ferrer sa ginhiwat nga 88th National Assembly and Election of Officers sang liga sang tinalikdan nga Hulyo 13 tubtub Hulyo 15 sa Sofitel Philippine Plaza Manila.
Sa interview sang Bombo Radyo Bacolod kay Negros Occidental Vice Governor Jeffrey Ferrer, ginakalipay sini nga matapos nga mapilian bilang bise presidente sang LVGP.
Suno kay Ferrer, ginakabig sini nga dako nga pagpanghangkat para sa iya bangud obligasyon niya nga magpangita sang pondo para sa liga bilang bise presidente sang ‘Ways and Means Committee’.
Suno pa sa bise presidente nga indi siya mabudlayan sa bahin sang Kongreso bangud malapit man sa iya ang manugpungko nga House Speaker nga si Congressman Martin Romualdez.
Sa bahin naman sang Senado, ang manugpungko nga Senate President amo ang Ilonggo nga si Senador Miguel Migz Zubiri.
