Ginpahayag ni Cadiz City Mayor Salvador ‘Bading’ Escalante nga suportado sini si Negros Occidental Vice Governor Jeffrey Ferrer para sa pagka-Kongresista sa 4th District sang probinsya.
Madumduman nga kahapon nagfile si Engr. Lea Delfinado para sa pagka-Kongresista sa 4th District.
Si Delfinado nga anay Department of Public Works and Highways (DPWH) Region 6 Director, ang magapapili sa idalom sang Nationalist People’s Coalition (NPC).
Ang bata sini nga si Engr. Leo Carlo Delfinado ang nagfile man sang COC bilang Board Member sang 4th District sa idalom sang Partido Federal ng Pilipinas (PFP).
Suno kay United Negros Alliance (UnegA) Secretary General Cadiz City Mayor Escalante, suportado sang UnegA ang pagpapili ni Vice Governor Ferrer para sa pagka-Kongresista sang 4th District batok kay Delfinado.
Samtang, nakafile naman sang COC si Escalante para magpare-elect bilang alkalde kag tubtob sa karun wala pa sang may nagfile batok sa iya.
