Ginakalipay ni Vice Mayor Adrian “Ian” Villaflor sang banwa sang Moises Padilla nga siya ang nagdaog kag ginboto sang mga tawo apisar pa sa sitwasyon sini nga sa karun nakadetain sa kustodiya sang National Bureau of Investigation (NBI).
Pahayag sang bise alkalde nga ini ang ikaduha na sini nga termino bilang bise alkalde sang banwa.
Madumduman nga si Villaflor ang naangot sa pagpatay kay late Sangguniang Bayan Member Jolomar Hilario sadtong 2019.
Kun sa diin siya ang gindagdagan sang warrant of arrest sang Agosto 2021 kaupod sang tatlo ka konsehal nga ginalakipan nanday Jimmie Don Plaza, Vincent Bryan Garcia kag Jose Morito Flores nga nakahunong naman sa NBI kag Moises Padilla Municipal Police Station.
Apisar nga yara sa NBI, pasalig ni Villaflor nagpangayo ang mga ini sang approval sa Korte nga sila ang makafile sang Certificate of Candidacy.
Sila ang ginpahanugutan naman kag gina-updan lang sang mga escorts sa ila nga pagfile kasubong man sang pagboto.
Ginapasalamat man sini nga ginatib-ong siya ni Newly Reelected Mayor Ella Garcia Yulo sa grupo sini kasubong man sa iya minor nga bata nga nagabakabaka sa pagkampanya kaupod sa iya pamilya kag mga youth volunteers.
Ginakalipay sini nga bisan ginkasuhan ini sa alegasyon nga murder kag nakahunong sa NBI, madamo sa gihapon ang boluntaryo nga nagakampanya para sa iya.
Dugang pa sini nga ginabuhat man sini ang pagtambong sa mga pagsinapol paagi sa teleconference kag wala man nagaka-hamper ang pagserbisyo sini bilang bise alkalde sa Moises Padilla.
Suno kay Villaflor, nakadetain ini, nagabulig ini gihapon sa mga nagakinahanglan nga pumuluyo.
Kahapon alas-6:30 sang aga, ginpatigayon ang proklamasyon sang mga nagdaog nga opisyales sa Moises Padilla kun sa diin siya ang gin-escort man sang NBI personnel agud makatambong sa event.
