Nagpatigayon sang labing una nga bench marking ang ciudad sang Bacolod sa sister city nga Puerto Princesa City, Palawan.
Ini ang ginpangunahan ni Bacolod City Vice Mayor El Cid Familiaran upod sa 17 ka mga regular employees sang Bacolod City Council.
Paathag sang bise alkalde nga bangod sa kilala sa patag sang turismo ang Puerto Princesa, sila ang magatuon sang mga best practices nga mahimo ma-apply sa Bacolod City.
Suno diri ang bench marking ang isa sa mga requirements sang Local Legislative Award, ang joint project sang Department of the Interior and Local Government (DILG) kag Philippine Councilor’s League (PCL).
Sang nakaligad ang Quezon City ang masami nga nagachampion sa Highly Urbanized City nga category, 1st runner up ang Mandaue samtang 2nd runners up naman ang Bacolod City.
Paathag ni Familiaran nga isa sa mga kulang sang ciudad amo ang bench marking.
Suno kay Familiaran, 17 lang anay gikan sa 35 ka regular SP employees ang ila nga gindala samtang ang nabilin ang para naman sa masunod nga bench marking activity.
