Magapungko bilang acting mayor sa Bacolod City si Vice Mayor El Cid Familiaran sa sulod sang isa ka bulan bangod sa pagbyahe abroad ni Mayor Alfredo “Albee” Benitez.
Sa interview sang Bombo Radyo Bacolod kay Vice Mayor El Cid Familiaran, siya ang magapungko nga acting mayor sumugod Disyembre 19, 2024 tubtob Enero 19, 2025.
Ini na ang pinakamalawig nga pagpungko ni Familiaran bilang acting mayor.
Wala naman nadisclose kun sa diin nga pungsod magapadulong ang alkalde.
Suno kay Familiaran wala man sang gintugon si Benitez sa iya bangod ginalantaw sini nga nakahibalo na ang alkalde nga yara sa maayo nga kamot ang ciudad.
Pahayag sini nga bilang temporaryo nga amay sang ciudad, siya ang magatambong kun may-ara sang napreparar nga New Years countdown.
Padayun man ang government functions kag pasalig ni Familiaran nga bukas ang iya nga linya ano man nga oras.
