Magatambong ang Bise Alkalde kag mga konsehal sa ciudad sang Bacolod sa ikalima nga State of Nation Address ni President Ferdinand Marcos Jr. subong nga adlaw sa Batasang Pambansa Complex sa Quezon City.
Sa interview sang Bombo Radyo kay Bacolod City Vice Mayor Kalaw Puentevella, ginpahayag sini nagalaum siya nga mangin meaningful ang SONA sang presidente bangud ini ang magahatag sang patimaan kun ano na ang nahimo ni Marcos.
Nagalaum ini nga ipakita sang presidente ang iya mag natuman nga programa kag legasiya nga luyag niya ibilin sa pungsod.
Ginapaabot man sang Bise Alkalde nga i-anusyar sang Presidente kun ano na ang status sang Barangay and Sangguniang Kabataan Elections (BSKE) elections.
Ginalauman man ni Puentevella ang mga implentasyon sang mga imprastraktura sa Pilipinas kag mga health programs.
Suno diri, magatambong sila sa SONA subong upod ang pila ka mga konsehal sang ciudad nga suno sa iya, nagapakita sang ila interes nga mabatain ang plano kag mga programa sang national government nga mahimo makabenipisyo man sa ciudad sang Bacolod.
