Ginpahayag ni Vice President kag Education Secretary Sara Duterte nga sarang na mapatigayon ang blended learning ukon modular learning kun tuman gid kainit ang panahon nga nagaapekto sa ikaayong lawas sang mga estudyante kag mga manunudlo.
Sa interview sang Bombo Radyo sa principal sang Mariano G. Medalla Integrated School nga si Herminio Remada Jr., may mga tinion nga nagaeksperyensya ang mga kabataan sang sunggo ukon nosebleeding bangud sa kainit sang panahon.
Santo sa record, pito na ka kaso sang nosebleeding ang narecord sa Mariano G. Medalla Integrated School nga gilayon man nga ginhatagan sang first aid.
Nagaplano sanday Remada nga magpropose sa Division Office nga mag-modular learning ukon palip-uton ang number of hours sang klase sa aga kag sa hapon agud indi matam-an sang init ang mga kabataan, apang kinahanglan pa ini sang approval sang schools division superintendent.
Apang kun maaprubahan, mas luyag ni Remada ang shortened hours of classes halin alas-6:30 tubtub alas-10:30 sa aga kag alas-3:00 tubtub alas-5:00 sa hapon agud indi na tuman kainit.
Suno diri, magasunod lang sila sa aprubahan sang schools division superintendent.
Suno diri, ginalantaw sang Department of Education ang kaayuhan sang mga estudyante kag sang mga manunudlo.
