Gin-anunsyar ni Vice President Leni Robredo sa iya thanksgiving speech sang Biyernes nga ang Angat Buhay program sang Office of the Vice President ang mangin isa ka non-government organization.
Suno kay Robredo, igatukod nila ang pinakamalapad nga volunteer network sa maragtas sang pungsod.
Suno diri, ang programa sang OVP ang gamiton nga template sini, nga naglunsyar na sang mga programa sa bilog nga pungsod apisar nga limitado nga pondo.
Suno diri, sa una nga adlaw sang Hulyo, ila igalunsyar ang Angat Buhay NGO, nga ginsundan naman sang palakpakan sang iya mga supporters nga nagsinggit nga sila ang updon.
Ginhangkat sang outgoing Vice President ang iya mga supporters kag volunteers nga makigbahin diri.
Ginlawag sini ang mga naghimo sang bag-o nga mga kanta, nagproduce sang mga videos, kasubong man mga grupo nga nag-organisa agud maglunsyar sang mga aktibidad nagikan sa ila kaugalingon nga mga bulsa kasubong man mga brands kag kumpaniya nga nagcontribute sa mga rallies paagi sa supplies sang pagkaon, ilimnon kag iban pa nga serbisyo.
Suno sa iya, indi dapat mapatay ang kalidad sang ila kampanya kag ang pinakatinutuyo sang gobyerno nga tampad amu ang pag-angat sang kabuhi sang tanan.
Suno diri, apisar nga nalutos ini ni presumptive President Ferdinand “Bongbong” Marcos Jr., para sa mga “kakampinks”, ang “pink revolution” ang nagasugod pa lamang.
