Naghatag sang mensahe para sa kalinong kag edukasyon si Vice President Sara Duterte-Carpio kadungan sang pagbisita sini sa ciudad sang Bacolod para sa 16th Negros Island Organic Farmer’s Festival.
Suno sa bise presidente kag Department of Education Secretary, gikan sa byahe sini sa banwa sang La Castellana kaupod ang gobernador sang Antique para magbisita sa mga sakada nga nagikan sa Antique may kaangtanan sa Sakada Program sang probinsya sang Antique.
Nakigkita ini sa mga sakada kag naghatag sang iya mensahe kasubong man sang mga regalo kag iya man ginkamusta kag ginlantaw ang sitwasyon sang mga sakada sa ila trabaho.
Nalakip sa mensahe ni Duterte ang kampanya sini batok sa New People’s Army nga yara sa probinsya sang Negros Occidental.
Iya man ginpadalman ang importansya sang edukasyon sa pagbag-o kag pag-uswag sang kabuhi sang mga kabataan.
Ginpasalamatan sini ang tanan nga mga manunudlo nga nagserbisyo kag nagsakripisyo para sa banwa sa pagsiguro sa bwas damlag sang mga kabataan.
Nagpadulong man sa kapitolyo probinsya sang Negros Occidental si Vice President Sara Duterte-Carpio para sa isa ka courtesy call.
Sa interview sang Bombo Radyo kay Negros Occidental Governor Eugenio Jose Bong Lacson, isa ka oras antes ini nakabaton sang impormasyon nga magapadulong sa kapitolyo si Duterte.
Suno kay Lacson, wala ini nakapadulong sa banwa sang La Castellana nga una nga ginpadulungan ni Duterte, amo nga nagbisita na lang ini sa Kapitolyo.
Mamag-an lamang ang ila pag-isturyahanay nga nagdangat lamang sang kapin 20 minutos bangod may padulongan pa nga buluthuan ang sekretarya sang Department of Education
