Nagfile si Vice President Sara Duterte sang isa ka petisyon sa Korte Suprema nga nagachallenge sang validity kag constitutionality sang ikaapat nga impeachment complaint batok sa iya.
Ang petisyon para sa certiorari kag prohibition nga may urgent application sang temporary restraining order kag ukon writ of preliminary injunction ang ginfile sa Korte Suprema sang Martes, Pebrero 18.
Ang respondents sa petisyon amu ang House of Representatives, nga ginrepresentar ni Speaker Martin Romualdez kag ang Senado nga ginrepresentar ni Senate President Francis “Chiz” Escudero kasubong man si House Secretary General Reginald Velasco.
Nagapanindugan ang kampo sang bise-presidente nga dapat ideklarar sang Korte Suprema ang impeachment complaint batok sa iya bilang null kag void bangud sa pipila ka mga grounds.
Suno kay Atty. Sheila Sison, counsel for the Vice President, nagapabilin nga willing si Duterte nga mag-atubang sa impeachment trial apisar nga naghingyo ang iya kampo sa Korte Suprema nga ideklarar ang impeachment complaint bilang null kag void.
