Ginpahayag ni Vice President Sara Duterte nga ginawelcome sini ang impeachment complaints nga ginfile batok sa iya.
Suno kay Duterte, ginwelcome sini nga nafile na ang impeachment case nga ginahambal nila nga igafile batok sa iya humalin pa sang tinalikdan nga tuig.
Ini ang reaksyon sang bise-presidente matapos ginfile ang duha ka mga impeachment complaints batok sa iya sa House of Representatives.
Suno diri, okay sa iya ang impeachment case bangud siya lamang ang pagaatakehon, siya lamang ang paga-imbestigahan kag indi maimbolbar ang iya mga staff sa Office of the Vice President kag Department of Education.
Ang grounds sang impeachment ang ginalakipan sang mga issues nga nakapalibot sa paggamit sang confidential funds sang iya opisina kag ang “assassination” remarks sini batok kay President Ferdinand Marcos Jr., First Lady Liza Araneta-Marcos kag House Speaker Martin Romualdez.
