Ginpahayag ni Palace Press Officer Claire Castro nga nagpakita na sang matuod-tuod nga kolor si Vice President Sara Duterte sa pahayag sini batok sa P20 per kilo rice program sang gobyerno.
Madumduman nga ginpahayag ni Duterte nga sarang nga mahimo ang pagbaligya sang bugas sa balor nga P20 apang mas ginapili sini nga indi pagpakigbahin kun paano ini matigayon sa gobyerno bangud indi sini luyag nga buligan si President Ferdinand “Bongbong” Marcos Jr.
Suno kay Castro, ang pahayag ni Duterte ang nagapakita lamang kun ano ini ka selfish kag petty apisar nga siya ang isa ka public servant.
Suno diri, dapat nga kun may ihibalo ang isa ka opisyal para sa mga pumuluyo, dapat ini ang iya gilayon nga himuon.
Dugang pa sini nga ang pagserbisyo sa pungsod ang indi kaangay sa hampang kag ang Pilipinas ang indi playground gani kuntani indi mangin daw kaangay sa isa ka bata ang bise-presidente.
