Ginpaathag sang political analyst nga indi obligado nga magtambong si Vice President Sara Duterte sa impeachment trial nga maga-umpisa bwas, Hulyo 6.
Sa interview sang Bombo Radyo kay Atty Jomax Ortiz, ginpahayag sini nga posible nga magtambong ang Bise Presidente sa Lunes kag posible man nga indi depende sa abiso sang iya nga abogado.
Paathag ni Ortiz nga santo sa konstistusyon, indi ma-compell si VP Sara nga magtambong sa iya trial sa Senado bangud apisar nga nagpaggwa sang writ of summons ang Senate Impeachment Court nga nagamando nga siya ang magtambong, may kinamatarong sa gihapon ini nga magpili kun personal siya nga magtambong ukon ang iya mga abigado ang magatambong para sa iya.
Dugang pa, dapat desiyonan na sang Korte Suprema ang isyu angot sa treshold kun bala nagakinahanglan sang 2/3 nga boto para sa tanan nga miyembro sang Senado ukon 2/3 lamang sa active member sang senado sa conviction sang Bise President.
Paathag ni Ortiz, malawig pa ang impeachment trial kun sa diin posible nga matapos ini sa lima tubtob anum ka bulan.
