Gin-athag ni Senate Presiding Officer Francis “Chiz” Escudero nga indi obligado si Vice President Sara Duterte nga personal nga magtambong sa tagsa ka hearing sang impeachment court.
Suno kay Escudero, nagakaigo na ang representasyon sang bise presidente paagi sa iya mga abugado ukon defense counsel.
Dugang pa sini, kun ayuon sang House prosecution nga ipatawag si Duterte bilang testigo, pagadesisyunan ini sang impeachment court sa paagi sa nagakaigo nga mosyon.
Ini ang kasunod sang pagpamangkot sang Prosecution Legal Counsel Atty. Lorna Kapunan ang Senate Impeachment Court kun may plano si Vice President Sara Duterte nga mag-atubang sang personal sa trial.
Si Duterte ang yara sa Senado kahapon agud maghinun-anon sa iya nga defense team apang indi magtambong sa trial.
