Luyag ni Vice President Sara Duterte nga magmove forward na ang mga Filipino bilang isa ka nasyon matapos ang pagkaaresto sang iya amay nga si former President Rodrigo Duterte.
Si Duterte, 79-anyos, ang ginturn over sa International Criminal Court agud mag-atubang sa kaso nga ‘crimes against humanity’ bangud sa maduguon sini nga drug war.
Si National Security Adviser Eduardo Año, nga miyembro man sang Gabinete sang anay Presidente, ang nagpanginwala sang mga alegasyon sa isa ka Senate hearing kahapon.
Suno sa bise presidente, sa pagkamatuod, wala ini sang nagakabatyagan.
Indi ini akig, indi man ini disappointed bangud wala sang punto kun magbatyag ini sa natabo.
Suno sa iya, indi na ini mabalik kag indi na mapabalik sa Pilipinas si former President Duterte.
Gani suno sa iya, bilang isa ka pungsod, dapat magmove on na sa natabo bangud wala man sang pasinadtuan ang kaakig.
Nagapati ini nga ang mga Filipino ang dapat magdesisyon kun ano nga direksyon ang agyan bilang isa ka nasyon, ilabi na sa nagahilapit nga Eleksyon.
