Nagpangabay si Vice President Sara Duterte sa publiko nga ipadayunon ang pagpanawagan para sa pagbiya ni President Ferdinand “Bongbong” Marcos Jr. sa iya nga pwesto samtang gina-akusaran ang administrasyon sang abuse of power, korapsyon, kag paggamit sang mga institusyon sang gobyerno kontra sa mga kritiko.
Sa iya nga mensahe, ginpahayag ni Duterte nga wala sang ebidensya ang impeachment case batok sa iya kag ginbatikos ang Kongreso sa gin-alegar paggamit sang gahum ukon mga koneksyon agud makapangita lamang sang ihaboy batok sa iya nga kampo.
Ginkwestyon man sang bise presidente ang pagpriso kay anay House Speaker Martin Romualdez angot sa kontrobersiyal nga flood control scandal kag gin-akusaran ang administrasyon sang harassment kag pagpahipos sa mga senador kag kaalyado sini.
Dugang pa ni Duterte, indi sini sarang nga magpahimuyong lamang samtang naga-antos ang mga pumuluyo sa baha kag sa mataas nga presyo sang mga balaklon.
Gani, ginahingyo sini ang mga tagasuporta nga padayunon ang pagpakigbato para sa palaabuton nga henerasyon.
