Ginpanginwala ni Vice President Sara Duterte ang mga claims nga nagpanawagan ini sang resignation ni President Ferdinand Marcos Jr., kag ginpahayag nga ini ang nagikan sa mga pumuluyo.
Suno kay Duterte, wala ini nakahambal nga dapat magresign si Marcos.
Suno diri, naghambal lamang ini sa mga tawo nga kun sila ang magapanawagan sang resignation sang Presidente, dapat sila ang maghatag sang rason kag mga examples.
Ang ginatumod ni Duterte amu ang pagtililipon nga gintambungan sini sa The Hague, Netherlands, kun sa diin ang mga supporters ni former president Rodrigo Duterte ang nagchant sang “Marcos resign!” nga ginsabat naman sini sang mga tinaga nga ang mga tawo ang naghambal sini kag indi siya.
Bilang pagsabat kay Duterte, namangkot naman ang Malacanang kun sin-o ang makabenepisyo kun magresign ang Presidente sa pwesto.
