Nakabalik na sa Pilipinas si Vice President Sara Duterte matapos ang masobra tatlo ka semana sa The Netherlands kun sa diin gindetain ang iya amay nga si former President Rodrigo Duterte matapos ginserbehan sang arrest warrant sang International Criminal Court.
Suno sa isa ka statement nagikan sa iya opisina, nagland ang eroplano sang bise-presidente sa Ninoy Aquino International Airport (NAIA) kapin alas-9:56 sang gab-i.
Suno diri, ang bise-presidente ang ginalauman nga mag-address sang maskin ano nga pertinent matters sa masunod nga mga inadlaw.
Si VP Sara ang nagtinir sa The Hague sa sulod sang malapit isa ka bulan agud magdihon sang defense team sang iya amay.
Magluwas sa sitwasyon sang iya amay, ang bise-presidente ang magaatubang sang trial matapos gin-impeach sang House of Representative sang Pebrero sa pila ka grounds lakip na ang ginaalegar misuse sang confidential funds.
