Ginpahayag ni Vice President Sara Duterte nga indi na ini magteam up sa liwat sa mga Marcoses.
Sa isa ka ambush interview sa House of Representatives, ginpamangkot si Duterte kun igakonsiderar pa sini ang pagjoin forces sa mga Marcoses sa masunod nga mga Eleksyon.
Nagsabat lamang ini sang “never again.”
Sang ginhambalan ini nga i-elaborate ang iya sabat, nagkadlaw lamang ang bise-presidente kag naghambal nga mas maayo kun ini ang pungkuan sa isa ka sit-down interview.
Ginthumbed down man sini ang posible nga pagmayuhay pa nila ni President Ferdinand Marcos Jr. kag ginpahayag nga sila ang indi mag-abyanay.
Suno sa iya, ang iya abyan amu si Senator Imee Marcos kag sila ang kilalahay humalin 2012.
Madumduman nga si Duterte ang nagbiya sa Gabinete ni Marcos sang Hunyo matapos ang pila ka bulan nga political tension sa tunga sini kag sang amay ni VP Sara nga si former President Rodrigo Duterte
