Ginpahayag ni Vice President Sara Duterte nga natalana ini nga magbyahe padulong sa The Netherlands agud makighinun-anon sa mga abogado matapos ang pagkaaresto sang iya amay nga si former President Rodrigo Duterte.
Suno sa abogado sang mga Duterte nga in charge sa kaso sang anay Presidente sa International Criminal Court (ICC), ang pag-aresto kay former President Duterte ang wala ginlauman.
Suno kay VP Sara, naistorya nila ang ila ICC lawyer kag suno diri, wala pa ini natabo sang una kag makabig ini nga kabuangan.
Suno sa iya, may yara na sang arrangements bangud kinahanglan sini nga istoryahon ang mga abogado kun diin man siya dal-on kag siya ang magapadulong didto agud maistoryahan kun ano ang dapat himuon.
Wala naman naghatag sang dugang nga detalye ang bise-presidente natuhoy sa iya flight apang gin-athag sini nga ang ila kampo ang wala nagafocus sa pagsiguro kun matinir sa Pilipinas ukon makapauli as soon as possible ang iya amay.
Panindugan sini nga sa pagkamatuod, wala na dapat nagbiya sa pungsod si former President Rodrigo Duterte.
