Ginpahayag ni Vice President Sara Duterte nga preparado ini kun anuman ang matabo sa iya matapos gin-alegar nga may tinutuyo ang mga kontra sang mga Duterte sa politika nga sila ang gub-on.
Suno kay Duterte, matuod-tuod ang claim sini nga ginadiskusyunan sang mga miyembro sang Kamara ang iya impeachment bilang kabahin sang plano nga political destruction sang mga Dutertes.
Suno sa iya, ang mga kaso batok sa iya amay, bana kag utod sa nagkalain-lain nga fora, kasubong man ang ginaalegar impeachment kag ang mga issues natuhoy sa iya confidential funds bilang ginaalegar pamatuod sang plot batok sa ila.
Ginaalegar man sini nga ang iya pamilya ang pagpamahog sa mga desinyo sang mga persona nga luyag makaangkon sang gahom.
Gincriticize man sini ang plano nga isubpoena ang mga rekords sang Commission on Audit sa iya opisina antes pa man nga mangin final ang audit.
Suno sa bise-presidente, preparado ini nga magsabat sang mga pamangkot nagikan sa mga kongresista depende sa ila mga pamangkot.
Wala man sini ginahinulsulan ang pagpapili sini bilang bise-presidente.
