Wala nagtambong si Vice President Sara Duterte kahapon sa hearing sang House Appropriations Committee natuhoy sa budget sang Office of the Vice President para sa 2025 nga nagabalor sang masobra P2 billion.
Ang mga kaalyado sini nga mga kongresista ang nagreact naman sa ginapatigayon nga pag-imbestigar sa pondo sang bise-presidente.
Wala man sang may ginpadala si Duterte nga representative sang OVP sa Kamara.
Nagpadala lamang ini sang sulat nga napetsahan Setyembre 10 kun sa diin ginatugyan na sa mga mamalidha kun ano ang ila luyag nga himuon sang budget sang iya opisina.
Suno diri, ang OVP ang nagpasa na sang tanan nga nagakaigo nga documentation sa House of Representatives – Committee on Appropriations lakip na ang isa ka detailed presentation natuhoy sa proposed budget para sa fiscal year 2025.
