Naghatag sang tribute si Vice Presidente Sara Duterte sa mga Pilipino nga reservist para sa importante nga papel sang mga ini sa pagsiguro sang seguridad sang pungsod kadungan sang pagumpisa sang National Reservist Week.
Sa isa ka statement kahapon, ginpahayag ni VP Sara nga sa panahon sang pamahog sang terorismo kag mga krisis, ang preparasyon, dedikasyon kag mga sakripisyo sang Filipino reservist ang nagahatag sang seguridad kag kalinong sa mga komunidad.
Ginpahayag man sang Bise Presidente nga ang ila nga kaisog kag preparasyon agud nga magserbe sa pungsod nga importante para sa pagpabakod sang seguridad sang pungsod.
Si VP Sara ang sa karun may ranggo nga colonel sang Philippine Army Reserve Command sa Armed Forces of the Philippines (AFP).
Subong nga tuig ang tema sang National Reservist Week amo ang βTatag ng Laang Kawal para sa Bagong Pilipinasβ na nakasentro sa dedikasyon kag patriotism sang AFP reservists.
