Gikan sa foreign affairs tubtob sa food safety kag agriculture, ginplastar sang anom ka mga vice presidential candidates kagab-i ang ila nga mga areas of expertise nga ginapatihan sang mga ini nga makabulig sa ila nga mga running mates sa tion nga sila ang magdaog sa May 9 elections.
Sa vice presidential debate nga gin-organisar sang Commission on Election (Comelec), ginpakigbahin ni Senator Francis “Kiko” Pangilinan ang iya nga 10-year experience sa fruit and vegetable farming sa Cavite, kun sa diin sa tion nga siya ang ma-elect mangin focus sini ang paghatag sang assistance sa mga mangunguma kag mangingisda.
Pahayag sini nga kun kompleto ang bulig, magadamo man ang ani sang mga mangunguma kag mangingisda nga magaresulta sa pagdamo sang food supply sa merkado.
Pinaagi sini maganubo naman ang mga presyo sang pagkaon kag masabat ang problema sa gutom.
Samtang ginpahayag naman sang running mate ni Senator Panfilo “Ping” Lacson nga si Senate President Vicente “Tito” Sotto III, sarang ini makabulig sa kampanya batok sa iligal nga droga.
Paathag sini nga ang adbokasiya sini humalin pa sang 1988 kag ila nadevelop kag nangin Dangerous Drugs Act of 1992 kasubong man ang Republic Act 9165.
Suno kay Sotto, makabulig man ini sa foreign affairs ilabi na sa bag-o lang matukod nga Department of Migrant Workers.
Expertise man sa foreign affairs ang luyag nga I-offer ni Carlos Serapio kun siya ang magadaog sa ikaduha sa pinakamataas nga posisyon kadungan sa pagpakigbahin sang iya nga academic experience, pagtudlo sang political science kag international diplomacy kasubong man ang engagement sini sa mga international leaders sang siya ang nagaserbisyo pa bilang interfaith committee head sa Office of the President.
Pahayag sini nga ang iya nga eksperyensya ang naghatag na sa iya sang kaalam agud mangin epektibo nga Foreign Affairs secretary.
Apang ginpahayag man ni Serapio nga bukas ini sa bisan ano nga trabaho nga igahatag sa iya sang iya nga running mate Presidential Candidate Faisal Mangondato sa tion nga sila ang magdaog sa elekyson.
Wala makatambong sanday Davao City Mayor Sara Duterte-Carpio nga running mate ni Prsidential Candidate Ferdinand “Bongbong” Marcos Jr kag Buhay party-list Representative Lito Atienza nga running mate ni Presidential Candidate Senator Manny Pacquiao.
Sa kaangot nga balita, magluwas sa expertise sa health, ginpahayag ni Dr. Willie Ong nga makabulig man ini sa food safety policies.
Pahayag sang running mate ni Manila Mayor Isko Moreno Domagoso nga tuman ka importante ang food security, apang igadugang pa sini ang food safety bangod luyag sini nga hilway ang mga pagkaon sa pungsod.
Para diri, ginpahayag ni Dr. Ong nga dapat mapabaskog pa ang Food and Drug Administration (FDA).
Si Ong nga isa ka internist kag cardiologist, ang nagaduso man sang health approach sa war on drugs kasubong man sa pagfocus sa mental health.
Apisar nga present sa debate si former party-list lawmaker Walden Abello nga running mate ni labor leader Leody de Guzman, wala naman sini ginsabat ang pamangkot natuhoy sa area of expertise sini nga makabulig sa iya running mate.
Samtang ginpropose naman sang Business man nga si Manny Lopez, ang three-pronged comprehensive economic program nga ginalakipan sang new Omnibus Investment Code; streamlined kag simplified bankruptcy law; kag provision para sa low-interest loans nga may mahapos nga access para sa mga nagapaninguha nga micro, small and medium-sized enterprises (MSMEs) kasubong man sa farming sector kag iban pa nga professionals.
Sa tion nga ma-elect bilang vice president, si Lopez nga wala sang running mate ang nagpromisa sang maayo nga pagkapot sang international relations, kalakip na ang military kag defense issues.
Samtang ginaduso naman sang running mate ni Presidential Candidate Dr. Jose Montemayor Jr nga si Rizalito David ang paghuman sang commission on “moral renewal and cultural restoration” agud nga masolbar ang moral kag ethical issues sa pungsod.
Pahayag ni David nga field and environmental science, nga masami gina panginwala nga ang problema sa sosyodad amo ang moral, ethical kag spriritual.
Paathag ni David nga ang komisyon ang magapadalagan sang programa sa institusyon, gobyerno kag kumunidad agud mabalik ang “faith, hope and love” sang mga Pilipino sa kada isa.
