Victorias City Government, ginbawi ang request sa paghaboy sang basura sa Bacolod Sanitary Landfill

Ginkumpirmar ni Bacolod City Mayor Greg Gasataya nga gin-withdrew na sang City Government sang Victorias ang request nga maghaboy sang residual waste sa Bacolod City Sanitary Landfill sa Barangay Felisa, Bacolod City.

Suno sa kay Gasataya, nag-meeting sila ni Victorias City Mayor JunB Bantug agud nga madiskusyunan ang requests sini nga maghaboy sang 6 to 8 cubic meters of residual waste at Bacolod.

Sa ulihi, gin-withdraw man ini sang alkalde sang Victorias matapos ang dugang nga assessment nga nakasaad sa sulat sini sa kay Gasataya.

Nagalaom ang alkalde nga ang relasyon sang duha ka LGUs ang indi maapektuhan sang ila ginhimo nga mutual discussion.