Ginpadulungan sang Victorias Coast Guard ang area kun diin natabo ang strafing incident sa fishing boat nagikan sa nasambit nga ciudad agud marescue ang anum ka fishing crew.
Sa interview sang Bombo Radyo kay Petty Officer First Class Michael Quebrar, substation commander sang Victorias Coast Guard, nag-upod ang duha ka coast guard personnel sa isa ka tawo nga ginpadala sang tag-iya sang fishing boat nga si Barry Bagaforo para magsugat sa fishing crew.
Suno diri, limitado pa lamang ang ila detalye angot sa insidente apang kun nasugat na ang crew, i-assess sang mga ini ang gin-alegar natabo nga strafing incident kun sa diin isa ang patay matapos nga maiguan sang bala sa dughan.
Suno diri, iga-assist man ang crew agud nga mapablotter ang natabo.
Pahayag ni Quebrar, indi pa gid mahambal kun ano ang rason sa pagpangluthang kag kun sin-o ang may kahimuan.
