Pormal na nga ginpresenta sang Miss Asia Pacific International organization ang delegates para sa karun nga tuig nga competition.
Ang pambato sang Pilipinas amo si Miss Asia Pacific Philippines 2025 Anita Rose Gomez nga ginhingadlan bilang Miss Asia Pacific Pageanthology, Miss RMBC Café, Miss Pomp & Pageantry, kag second runner up bilang Darling of the Press.
Samtang nangin first runner up sa Darling of the Press Award amo si Miss USA, Kayla Jane Usison nga nagdaog man sa Miss Kiara Aesthetics.
Nakuha naman ni Mealyann Nita Saing sang Cambodia ang Miss Eventologie award; Jana Jannsens sang Belgium ang Miss RMBC Min-C award kag Tracy Victoria Johnson sang Nigeria ang Miss Missossology award.
Samtang nagback-out naman si Oceame Gryzon sang Farnce kag nagpauli antes pa man mapresentar ang mga kandidata.
Ang 42nd Miss Asia Pacific International coronation night patigayonon sa Oktubre 8 sa Cebu Coliseum.
Sa pihak nga bahin, may ginpadala ang Vietnam nga kandidata nga amo ang pinaka-una nga transgender nga kandidata sang Asya para sa Miss Universe 2025.
Ang singer-actress nga si Nguyen Huong Giang amo ang pinaka-una nga transwoman halin sa Asia para magcompete sa Miss Universe.
Ang 74th Miss Universe pageant patigayonon sa Nobyembre sa Thailand kag ang pambato sang Pilipinas amo si Ahtisa Manalo.
