Nabaton na sang Villar Land Holdings Corporation kag mga opisyales sini ang mando nagikan sa Securities and Exchange Commission (SEC) nga magbayad sang P12 million nga multa imbes nga papanaugan ang mga ini sang suspension sang ila Registration Statement kag Permit to Offer and Sell Securities.
Nahibaluan nga sila ang ginpapanaugan sang P2,000 nga multa kada adlaw sang delay humalin Hulyo 1, 2-025 tubtob nga mapasa ang Annual Report kag Q1 2025 Quarterly Report.
Ginmanduan man ang mga ini sang SEC nga mag-eksplikar may kaangtanan sa ginaalegar paglapas sa Securities Regulation Code, Financial Products and Services Consumer Protection Act, kag Revised Corporation Code.
Gin-athag man sang kumpaniya nga ang delay sa pagsubmit sang mga report ang indi bangud sa pagpamalibad sang external auditor kundi sa sulit-sulit nga hingyo para sa dugang nga audit procedures.
