Panubuon sang Thailand sa 30 ka adlaw ang visa-free stay para sa mga turista naggikan sa masobra 90 ka mga pungsod kag teritoryo, humalin sa Setyembre 15, 2026.
Santo sa Department of Consular Affairs sa Thailand, kabahin ini sang pagbag-o sa visa exemption kag Visa on Arrival schemes sang pungsod.
Kalakip sa mga pungsod nga maapektohan sang 30-day visa-free policy ang China, United States kag 27 ka pungsod sa European Union.
Sa daan nga polisa, mahimo maglawig sang tubtob 60 days sa Thailand nga wala sang visa.
Ginpahayag naman sang Thai government nga kalakip sa katuyuan sang ini nga tikang ang paglikaw sa pag-abuso sa visa system kag paghatag solusyon sa mga isyu may kaangtanan sa mga foreign nationals nga nagahimo sang krimen sa pungsod.
Kalakip sa mga na-report nga kaso amo ang may kaangtanan sa illegal nga droga, human trafficking, kag pagdumala sang pila ka mga negosyo nga wala sang permit.
Sa pihak sini, hatagan sang tubtob 90 days visa-free stay ang mga turista gikan sa Peru, Brazil kag South Korea, humalin sa anay 60 ka adlaw.
