Visiting hours sa mga pampubliko nga patyo sa ciudad sang Bacolod, ipatuman

May gin-set nga visiting hours sa mga pampubliko nga patyo sa ciudad sang Bacolod humalin alas- 6:00 sang aga tubtob alas- 10:00 sang gab-i para sa undas.

Suno kay Bacolod City Administrator Mark Mayo, ang naset nga visiting hours ipatuman sa Oktubre 31 tubtob Nobyembre 2 agud maregulate ang nagasulod kag nagagwa sa pampubliko nga patyo.

Suno diri, ginalikawan nga may magtinir sa sulod sang patyo tubtob nga mag gab-i na kag agud masiguro nga wala sang may magdala sang patalom, makahulubog nga ilimnon kag wala sang may makapanahor.

Samtang para naman sa pribado nga sementeryo, sila naman mismo ang mapatuman sang ila visiting hours.