Ginpakigbahin sang visual artist nga naghuman sang plano nga may kaangtanan sa “White Christmas” theme sa Bacolod City Public Plaza nga ini ang nagasuprer sang Dyslexia.
Suno kay Noi Morton Gonzales, tumandok sa Barangay Sum-Ag, Bacolod City, gamay pa lamang siya ginkahuyugan na sini ang sculpture.
Pahayag sini nga bangod nga isa siya ka dyslexic, indi ini makahibalo sa math kag magbasa sang maayo bangod nagasaot ang mga letra kag numero sa iya panulok.
Nahibaluan lamang sini ang kondisyon may nalantaw nga video may kaangtanan sa dyslexia samtang ginrekomendar naman sa iya sang tag-iya sa museum sa Manila nga isa ka neuro-surgeon nga amat-amaton sini practice ang kaugalingon kaangay sa pag-isip sang mga kudal.
Paathag sini nga mabudlay para sa isa ka dyslexic nga persona ang pagconcentrate sa isa lamang ka butang bangod madamo sang nagasulod sa ila panghunahuna.
Siya ang nagkuha sang kurso nga Fine Arts sa La Consolacion College major in painting kag nakagradwar sang 2006.
Siya ang nagtrabaho man sa isa ka gallery tubtob sa nagbalik sa LCC agud magtudlo.
Ginpaathag ni Gonzales nga malapad ang scope sang visual artist nga ginalakipan san painting, sculpture, two dimentional kaangay sang animations kasubong man mga industrial designs kag madamo sang iban pa.
Apang indi suportado sang ginikanan sini sadto sa kurso nga ginkuha bangod mas luyag nila nga siya ang magkuha sang computer science.
Nagpaenroll man ini sa kurso nga computer science apang indi ini makasarang sa calculus bangud sa dyslexia gani ginpili sini magsaylo sa fine arts.
Ang amay sini ang isa ka Accountant sa isa ka dako nga kompanya samtang nurse naman ang iya iloy.
Bangud indi suportado sang amay ang pag-eskwela, nagabaligya naman ini sang paintings agud may magamit.
Sa pihak nga bahin, antes paman ang college, nagserbe naman nga dalangpan ni Gonzales ang arts agud nga malampuwasan ang depresyon.
Ini matapos nga nagtaliwan ang iya nga magulang sang siya ang highschool nga nangin tuman ka dako nga impact sa ila pamilya.
Matapos makagradwar, si Gonzales ang nagpadulong sa Manila kag siya ang nangin kabahin sa mga ginapatigayon nga mga workshops sa mga rehabilitation centers kasubong man sa mga lugar nga gin-agyan sang kalamidad para sa pagtatap sa mga nagkalatrauma.
Hugot nga nagapati si Gonzales nga “arts can heal”.
Sa White Christmas project, ini ang nagapakita man suno diri nga sa pihak sang kadulom, nga ginarepresentar sang gingamit nga spaghetti wires, may ara gihapon sang kasanag nga ginarepresentar naman sang pagsiga sang mga christmas lights.
Samtang ang paglala sang mga kable ang nagapakita naman nga ang gintingob nga efforts ang sarang nga makahuman sang maayo nga output, nga mahimo mapaanggid sa syudad sang Bacolod.
