Hugot nga ginkondenar sang Viva artist nga si Christine Li ang nagalapta nga espekulasyon nga siya ang bag-o nga nobya ni anay Ilocos Sur Governor Chavit Singson.
May naglapta nga video sa social media kun sa diin yara sa restaurant si Chavit kag may babayi ini nga tupad nga ka-holding hands niya.
Pila ka mga netizens ang nagreact sa video kag ginbanta nga yara pa lamang sa 20 ang edad sang babayi nga malayo sa edad ni Chavit nga 84 na.
Samtang, may isa ka Facebook page nga nag-post kun sin-o ang babayi nga kaupod sang anay gobernador.
Santo sa post, ang bag-o nga nobya sang kilala nga businessman amo ang Viva actress nga si Christine Li.
Apang, hugot naman nga ginpanginwala ni Christine ang isyu.
Gin-athag ni Christine nga indi siya ang babayi nga ginahambal nga nobya ni Chavit.
Suno diri, indi niya personal nga kilala ang businessman kag wala man sini nakita sa personal.
