Vlogger nga si Norman Mangusin ukon alias Francis Leo Marcos, ginserbihan sang warrant of arrest samtang naka-live

Gin-aresto sang Criminal Investigation and Detection Group (CIDG) National Capital Region (NCR) ang vlogger nga si Norman Mangusin ukon alias Francis Leo Marcos kahapon nga adlaw, Pebrero 24.

Ginkumpirmar man ni National Police Commision (NAPOLCOM) Commissioner, Vice Chairperson and Executive Officer Atty. Rafael Vicente Calinisan, nga gin-aresto si Mangusin sa isa ka hotel sa Parañaque paagi sa pagserbe sang warrant of arrest gikan sa RTC Branch 294.

Sa karun, yara sa kustodiya sang CIDG NCR si Mangusin.

Ang vlogger ang ginkasuhan bangod sa indi otorisado nga pagsuksok sang uniporme sang pulis, nga paglapas sa Article 179 ukon Illegal Use of Uniforms or Insignia.