Naka-record ang Philippine Institute of Volcanology and Seismology (Phivolcs) sang pagkapareho nga events sa duha ka ginabantayan nga aktibo nga bulkan ang bulkan Mayon kag bulkan Kanlaon.
Ang duha ang lunsay nga yara sa idalom sang Alert Level 2.
Suno kay Mayon Volcano resident volcanologist nga si Dr. Paul Alanis, lunsay nga nagadamol ang palibot sang duha ka bulkan, nga isa ka senyales sang pagsaka sang magma halin sa idalom sini.
Suno diri, lunsay man nga naghimo ang duha ka bulkan sang asud-asud nga mga volcanic earthquake nga nagapakita sang padayon nga aktibidad sa idalom sini.
Apisar sini, nagalain-lain naman ang eruption characteristics sang duha kun sa diin kalabanan nga abo lamang ang nagaguwa sa Kanlaon, samtang ang Mayon ang masami nga ginakitaan sang pagguwa sang lava kaangay sang mga natabo na sang nagkaligad nga mga tuig.
