Preparado na ang mga atleta sa opisyal nga pagbukas sang Palarong Pambansa 2023 sa Marikina.
9,172 tanan ang kabug-usan nga numero sang atheletes naggikan sa 17 ka rehiyon sa pungsod.
Ginabantayan man ang pag-abot ni President Ferdinand Bongbong Marcos Jr kag Vice President Sara Duterte.
Sa karun, masako ang tanan para sa preparasyon, kag bwas ikordon ang area sang President Security Group kag ma-eksperyensyahan ang signal jamming.
Ang Palarong Pambansa 2023 maga-umpisa sa Agosto 1 tubtob Agosto 5.
Samtang ang delegasyon naman sang Western Visayas, naga-ensayo kag ang tagsa ka mga atleta may yara sang mga actovities.
813 ang kabug-usan nga numero sang delegates sang Western Visayas, ini ang ginalakipan sang 539 ka athletes, 131 coaches kag chaperones kag 143 ka technical working group.
Samtang, nagpasalig ang secondary volleyball girls team nga may pambato sila kag handa na para sa Palarong Pambansa 2023.
Sa interview sang Bombo Radyo kay team captain Katherine Cortez, kag team co-captain Jothea Ramos, todo nga todo ang ila pagpractice.
Hulyo 23, sang sila nagbyahe padulong sa Marikina, kag sila nagpartisipar sa tune up games sa iban nga mga buluthuan sa Manila.
Ila ginakabig nga mabudlay nga-atubangon nga kontra amo ang National University, nga amo man ang ila una nga maatubang sa sporting event.
Aminado man sila nga dako ang deperensya sa height nila kag sa ila mga kontra, apang suno sa ila, sila handa na kag ready to fight.
Suno kay Cortez, advantage sa ila ang ila anum na ka tuig nga pag-updanay kag sila may yara na sang chemistry sa court.
Suno naman kay Jothea, komunikasyon sa isa kag isa ang ila nga edge kumpara sa iban.
Ila ginalauman nga makuha ang kampeonato sa sini nga Palarong Pambansa 2023.
