Ginpanawagan sang Commission on Elections sa mga mangin-15 anyos na sa Disyembre 1 nga magpartisipar sa natalana nga voter’s registration para sa Sangguniang Kabataan Elections sa Agosto 1 tubtob 10.
Madumduman nga Hulyo 1 tubtob 11 kuntani ang orihinal nga schedule sang voter’s registration, apang ini ang ginpostpone sang Comelec sa Oktobre bilang antisipasyon kun isaylo sa 2026 ang Barangay and SK Elections.
Apang bangod wala pa napirmahan ni President Ferdinand “Bongbong” Marcos Jr. agud mangin layi ang hagna nga maga-extend sa term of office sang Barangay Officials sa apat ka tuig, nadesisyonan sang Comelec nga dayunon ang voter’s registration sa Agosto 1 tubtob 10.
Ini agud inkaso iveto ni Marcos ang term extention kag madayun ang eleksyon sa Disyembre 1, makapakigbahin ang mga qualified na nga SK.
Nahibaluan nga kwalipikado nga makaboto ang mga magadangat sa edad nga 15 anyos antes ang adlaw sang eleksyon tubtob sa edad nga 30 anyos.
Samtang ang sarang naman makapapili sa SK Election ang edad 18 anyos tubtob 24 anyos.
Sa interview sang Bombo Radyo Bacolod kay Negros Occidental Provincial Comelec Supervisor Atty Ian Lee Ananoria, amo gihapon ang mga requirements kaangay sang birth certificate, proof of residence ukon IDs.
Magluwas sa voter’s registration, mahimo man ang iban nga comelec transactions kaangay sang correction of entries, reactivation.
Samtang sa impormasyon sang Bombo News Team, wala nalakip ang transfer of residence.
