Ginpasalamatan ni presidential candidate Vice President Leni Robredo ang mainit nga pagbaton kag pagbantay sa iya sang tanan nga mga supporters kun sa diin nagtipon sa Paglaum Sports Complex kagab-i.
Kasubong man nagpasalamat man siya mga supporters nagikan sa syudad sang San Carlos, Sagay, Kabankalan, syudad sang Himamaylan, banwa sang Hinigaran, Binalbagan kag syudad sang La Carlota sa probinsya sang Negros Occidental nga nagtipon agud magpakita sang suporta sa iya.
Kasubong man, ginpasalamatan man ni VP Leni sanday Eastern Samar Governor Ben P. Evardone, Iloilo Governor Arthur “Toto”Defensor JR; former Negros Occidental Governor Lito Coscouella; Negros Occidental Provincial Governor Eugenio Jose “Bong” Lacson, Sagay City Mayor Thirdy Maranion, Cadiz City Mayor Salvador “Bading” Escalante, Himamaylan City Vice Mayor Justine Gatuslao, Negros Occidental Board Member Rita Gatuslao kag Bacolod City Vice Mayor El Cid Familiaran.
Nagpangayo man ini sang pasaylo sa iya mga supporters nga nagikan sa syudad sang Bago nga naghulat sa higad sang dalan apang wala niya malabayan bangud sa lain nga lugar ang mga ini naglabay kag ulihi nalamang nila ini nahibaluan nga nagabantay ang mga ini sa iya.
Isa man sa ginpasalamatan ni Presidential candidate Vice President Leni Robredo si former Commission on Election Commissioner Rowena Guanzon kag ang grupo sini nga nagasuporta sa iya.
Nagpaindis-indis naman ang mga supporters nga nagtambong sa People’s Rally sa paghimo sang placards kag mga posters.
