Ginpahayag sang pila ka mga kongresista nga si Vice President Sara Duterte ang dapat basulon kag indi ang mga mamalidha kun madulaan sang trabaho ang kapin 200 nga mga empleyado sang Office of the Vice President bangud sa indi sini pagtambong kag pagdepensa sa iya 2025 budget samtang ginahearing sang Kongreso
Ini ang ginpahayag ni House good government and public accountability panel vice chairman Jefferson ‘Jay’ Khonghun matapos ginpahayag ni Duterte nga posible nga mawad-an sang trabaho ang kapin 200 ka mga personnel sang OVP bangud sa P733 million lamang ang gin-aprubahan nga budget sang Kongreso, tuman kalayo sa masobra P2 billion nga orihinal nila nga ginapangayo para sa 2025.
Sa baylo nga magtambong, nagpadala lamang sang sulat ang OVP agud i-eksplekar ang ginapangayo nga pondo.
Apang ginpahayag sang mga kongresista nga may mga pamangkot nga kinahanglan anay sabton sang bise-presidente natuhoy sa paggamit ni Duterte sa mga nagliligad sini nga pondo.
